Оферта шарты

Астана қ.

Осы Шарт «Sana Sport» жауапкершілігі шектеулі серіктестігінің, БСН 230740027559 (бұдан әрі - Орындаушы) ресми ұсынысы (жария оферта) болып табылады. Осы Шарт Қазақстан Республикасының Азаматтық Кодексіне (бұдан әрі мәтін бойынша - ҚР АК) сәйкес Шарттың мәтінін https://www.sanasport.kz сайтында жариялау (орналастыру) жолымен адамдардың белгісіз тобына арналған жария оферта болып табылады. Оферта алушы Орындаушы ұсынған ақылы қызметтерді алуға келісе отырып, ол осы шартта көзделген іс-әрекеттерді жасау жолымен осы шарттың талаптарын толық және сөзсіз тәртіппен (акцепт) қабылдаған болып есептеледі.

Анықтамалар мен терминдер

Осы Офертаның мақсаттарын іске асыру үшін Шартта мынадай ұғымдар мен анықтамалар қабылданады:
Орталық – Қазақстан Республикасы, Астана қаласы, Алматы ауданы, Қажымұқан көшесі, 5 ғимарат мекенжайы бойынша орналасқан «Sana Sport» спорттық-шығармашылық орталығы.
Бала/Балалар - 18 жасқа толмаған, оған қатысты Клиент Орындаушымен осы Шартты жасасатын кәмелетке толмаған адам.
Клиент – Осы Шарттың акцептін кәмелетке толмаған Баланың атынан немесе оның мүддесінде жүзеге асырған жеке тұлға/заңды өкіл.
Еріп жүретін адам - бұл кәмелетке толмаған Баланы еріп жүретін, Орталықтың Клиенті болып табылмайтын адам. Еріп жүретін адамның еріп жүру барысында Орталықтың Қызметтерін пайдалануға құқығы жоқ және ол үшін арнайы бөлінген орындарда Баланы күтуге тиіс.
Сайт - Орындаушы коммерциялық мақсаттарда пайдаланатын Орындаушының/ Орталықтың https://www.sanasport.kz интернет-сайты.
Орталыққа бару қағидалары – Орталықтың аумағындағы жаттығу, шығармашылық, білім беру процестері және Орталықтың барлық келушілерінің демалуы, сондай-ақ Орталықтың жұмыс істеуі үшін қауіпсіз және жайлы жағдайлар жасау мақсатында Орталыққа келушілердің мінез-құлқын және қатысуын реттейтін барлық Клиенттер/Балалар және Орталыққа келушілердің орындауы үшін міндетті қағидалар. Қағидалар Орталықтың ресми сайтында орналастырылған және осы Шарттың ажырамас бөлігі болып табылады. Қағидаларды сақтау қызмет көрсетудің маңызды шарттарының бірі. Орталық біржақты тәртіппен оларды дербес толықтыруға және/немесе өзгертуге құқылы.
Акцепт – Клиенттің Шартта көзделген, Шарттың барлық талаптарын толық және сөзсіз қабылдау және Шарт бойынша көрсетілетін Қызметтерге ақы төлеу жөніндегі міндеттемелерді орындау бойынша келісім болып табылатын Қызметтерді алуға арналған ұсыныстарды қабылдау жөніндегі ic-қимылдардың кез келгенін жасауы.
Оферта шартына қосылуға арналған Өтініш-Акцепт (бұдан әрі мәтін бойынша - Өтініш) - Шарт бойынша қызметтер көрсетудің кейбір нақтыланған шарттарын қамтитын, Клиент қол қойған екі данада (бір данасы Орындаушы үшін, екінші данасы Клиент үшін). Өтінішке қол қоя және/немесе қызметтерге ақы төлей отырып, әлеуетті Клиент осы Оферта шартына қосылуға өз келісімін білдіреді және танысқанын және сөзсіз келісімін, сондай-ақ оның шарттарын орындау және Орталыққа бару қағидаларын сақтау ниетін растайды.
Магниттік білезік - бірегей сәйкестендіру құралы Орталыққа Клиенттің және/немесе Баланың дербес деректерімен деректер базасында тіркелгеннен кейін берілетін рұқсаттама болып табылады. Магниттік білезік үшінші тұлғаларға беруге жатпайды, бұл Қызмет көрсетудің маңызды шарттарының бірі болып табылады.
Қосымша қызметтер - Орталықтың аумағында Орталықтың қосымша қызметтеріне қолданыстағы баға прейскурантына сәйкес жеке ақыға көрсетілетін қолжетімділік пакетінің құнына енгізілмеген қызметтер.
Топтық жаттығу (топтық сабақ) - Орындаушының мамандары Клиенттер және/немесе Балалар үшін өткізетін жаттығу (сабақ), форматы мен бағытына қарай уақыт ұзақтығы әр түрлі болады. Топтық жаттығуларды (топтық сабақтарды) өткізу мерзімділігі кестемен регламенттеледі..
Жеке жаттығу (жеке сабақ) - таңдап алынған жаттығудың (сабақтың) түріне байланысты жеке бағдарлама бойынша жеке жаттықтырушымен (оқытушымен) жаттығу (сабақ). Жеке жаттығуға (сабаққа) ақы төленгеннен кейін жүргізіледі. Жеке жаттығу (сабақ) Орталықтың қосымша қызметі болып табылады.
Техникалық үзілістер - Орталықтың жалпы жұмысындағы немесе пайдалану нормалары бойынша жинау, санитарлық өңдеу және техникалық қызмет көрсету мақсатында оның жекелеген бөліктері мен үй-жайларындағы үзілістер.
Дербес деректер - Шартта регламенттелген, белгілі бір жеке не заңды тұлғаға қатысты, электрондық, қағаз және (немесе) өзге де материалдық жеткізгіште тіркелген мәліметтер.
Дербес деректерді жинау - Дербес деректерді алуға бағытталған іс-әрекеттер;
Дербес деректерді өңдеу - Дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, оқшаулауға және жоюға бағытталған іс-әрекеттер.

Оферта шартының мәні

1. Осы Шарттың мәні Орындаушының Өтінішке сәйкес Орталық аумағында Клиентке/Балаға білім беру және шығармашылық-дамыту қызметтерін, сондай-ақ дене шынықтыру және спорт жөніндегі қызметтерді (бұдан әрі - Қызметтер) көрсетуі және ұйымдастыруы болып табылады.
2. Клиентке/Балаға Қызметтер таңдалған бағыт бойынша сабақ кестесіне сәйкес көрсетіледі.
3. Қызметтерді көрсету кестесі Орталықта топтық және жеке сабақтар кестесіне сәйкес айқындалады.
4. Клиент өз бетінше және өзінің бос уақытын, қолайлылығы мен мүмкіндіктерін ескере отырып, қызметтерді алудың уақыты мен тұрақтылығын таңдайды.
5. Шарттың қолданылу мерзімі қызметтерге ақы төлеу және/немесе Акцепт-Өтінішке қол қойылған күннен бастап және қызметтерді көрсету мерзімі өткенге дейін басталады.

Акцептті жасау тәртібі

1. Орындаушының ұсынысы Клиент төменде санамаланған әрекеттердің бірін жасаған сәттен бастап қабылданды және мақұлданды деп есептеледі:
2. Шарттың талаптарымен Клиент жазбаша Өтінішке (Акцептке) қол қойған;

Клиенттің Шартта көрсетілген тәртіппен және шарттарда, оның ішінде абонементті сатып алу және оны Терминал арқылы төлеуі.

Тараптардың құқықтары мен міндеттері

Орындаушының міндеттері:

1. Клиентке/Балаға Өтінішке сәйкес тиісті түрде, көлемде және мерзімде Қызметтер көрсету;
2. Шарт талаптарына сәйкес Акцепт жасалған күннен бастап 3 (үш) жұмыс күні ішінде Клиентке/Балаға магниттік білезік дайындау және беру;
3. Ұсынылатын Қызметтер сапасының бұзылуының алдын алу және реттеу жөніндегі шараларды уақтылы қабылдау;
4. Қазақстан Республикасының қолданыстағы заңнамасында көзделген жағдайларды қоспағанда, Шарт жасасу кезінде, сондай-ақ Шарт бойынша міндеттемелерді орындау барысында Клиенттен алынған ол туралы ақпараттың құпиялылығын сақтау;
5. Санитарлық нормалар мен ережелердің, өрт қауіпсіздігі талаптарының сақталуын қамтамасыз ету;
6. Санитарлық нормалар мен ережелердің талаптарына сәйкес спорттық, сантехникалық және өзге де жабдықтардың жұмыс жағдайын және дезинфекциялық өңдеуді қамтамасыз ету;
7. Стандартты кестедегі өзгерістер туралы қолжетімді байланыс құралдары (ұялы байланыс, e-mail, sms-хабарлама, мессенджерлер және т.б.) арқылы Клиентті алдын ала хабардар ету;
8. Сабақтың өтуіне қолайлы жағдай жасау;
9. Баланың Орталықта болу уақытында оның денсаулығын, қауiпсiздiгiн қорғауды қамтамасыз ету.
10. Баланың өмірі мен денсаулығына қауіп-қатер фактісі туындаған жағдайда осындай қауіп-қатер фактісі туралы Клиентке (Заңды өкілге) дереу хабарлау.
11. Баланың Орталықтағы сабақтарға қатысу санын есептеу.

Орындаушының құқықтары:

1. Объективті қажет болған жағдайда жаттығулар (шығармашылық сабақтар) кестесіне бір жақты тәртіппен өзгерістер енгізуге, сондай-ақ жаттықтырушыны (оқытушыны) ауыстыруға құқық;
2. Қоғамдық, техникалық немесе санитарлық-гигиеналық іс-шараларды жүргізу қажеттілігі туындаған кезде жылана 2 (екі) рет қатарынан он тәуліктен аспайтын мерзімге және қалалық коммуналдық қызметтер жөндеу, регламенттеу немесе қалпына келтіру жұмыстарын жүргізген жағдайларда мерзімсіз мерзімде Шарт бойынша қызметтер көрсетуді толығымен немесе ішінара тоқтату;
3. Шарттың қолданылу мерзімі ішінде - Орындаушыда Баланың қандай да бір ауруы бар деген күдік туындаған кезде Баланың денсаулық жағдайы туралы анықтаманы Клиенттен сұрату;
4. Клиент спорт секцияларына абонемент сатып алған кезде 027 анықтамасын сұрату;
5. Орындаушыда Балада қандай да бір инфекциялық сипаттағы аурулардың бар екендігіне күдік туындаған кезде Орталыққа кіруді шектеу;
6. Орталықта бұқаралық іс-шараларды өткізу кезінде жаттығуларға (сабақтарға) арналған аймақты шектеу, бұл туралы Клиенттерге Орталықтың ресепшенінде, әлеуметтік желілерде немесе Орталықтың ресми сайтында ақпаратты орналастыру арқылы көрсетілген іс-шараларды өткізгенге дейін кемінде 24 сағат бұрын хабарланады;
7. Жеке және/немесе топтық бағдарламалардың жаттықтырушылары (оқытушылары) ауырған, демалысқа шыққан немесе жұмыстан босатылған жағдайда оларды ауыстыру;
8. Рұқсаттама жүйесінде және/немесе Орталықтың дерекқорында магниттік білезік иесін сәйкестендірумен мәселелер туындаған жағдайда жеке басын куәландыратын құжатты сұрату;
9. Клиент қызметтерге ақы төлеу жөніндегі міндеттемелерін орындамаған жағдайда осы Шарт бойынша қызметтер көрсетуден бас тарту;
10. Осы Шарттың және Орталыққа бару қағидаларының талаптарын Клиентті қандай да бір алдын ала хабардар етпей біржақты тәртіппен өзгерту. Жаңа шарттар және/немесе қағидалар Клиенттер үшін оларды Орталықтың сайтында, сондай-ақ әлеуметтік желілерде орналастырған күннен бастап күшіне енеді;
11. Клиентті және/немесе Баланы Орталықтан мынадай себептер бойынша шығарып жіберу:

- Баланың да, Клиенттің де мінез-құлық нормаларын және этикалық нормаларды сақтамауы;
- Клиенттің оқу-жаттығу процесіне және Орындаушының қызметіне араласуы;
- тәртіптік және ұйымдастырушылық талаптарды сақтамауы;
- мүлікті бүлдіру немесе Орындаушыға, үшінші тұлғаларға немесе Орындаушының, үшінші тұлғалардың іскерлік беделіне зиян (залал) келтіру (шындыққа сәйкес келмейтін кір келтіретін ақпаратты тарату).
12. Клиентті және/немесе Баланы Орталықтан шығару осы Шартты бұзу болып танылады және Клиентті аталған туралы хабардар ету жолымен жүзеге асырылады.
13. Орталықтың Қазақстан Республикасында көзделген ресми мереке күндері сабақтар өткізбеуге құқығы бар. Бұл сабақтарды кейіннен пысықтау жүргізілмейді..

Клиенттің міндеттері:

1. Шартта көзделген тәртіппен және мерзімде қызметтер үшін ақы төлеу;
2. Орталықтың қосымша қызметтерін пайдаланған кезде оларға уақтылы және толық көлемде ақы төлеу;
3. Осы Шарттың бүкіл қолданысы ішінде www.sanasport.kz сайтында орналастырылған бағдарламаны/жаттығулар/топтық сабақтар кестесін және Орталыққа бару қағидаларын ұстану;
4. Спорт секцияларына абонемент сатып алу кезінде міндетті түрде 027 анықтамасын ұсыну;
5. Жаттығулар/топтық сабақтар бағдарламасында көзделген іс-шараларды іске асыру кезінде қауіпсіздік шараларын сақтау;
6. Орталықтың аумағына кіруді турникеттерде орнатылған оқығышқа сүйене отырып, магниттік браслеттің көмегімен жүзеге асыру;
7. Клиентте және/немесе Балада магниттік білезік уақытша болмаған жағдайда Орталыққа кіру Клиенттің және/немесе Баланың жеке басын куәландыратын құжатты ұсыну бойынша жүзеге асырылады;
8. Магниттік білезік, Орындаушы бұрын қайтарымды негізде берген өзге мүлік жоғалған жағдайда оның құны өтеу.
9. Баланың денсаулығын өз бетінше және жауапкершілікпен бақылау. Жіті немесе созылмалы, жұқпалы және/немесе тері ауруларының белгілері болған кезде, сондай-ақ созылмалы аурулар асқынған кезде толық сауыққанға дейін Орталыққа барудан бас тарту;
10. Тәртіпті және жалпыға бірдей қабылданған мінез-құлық нормаларын сақтау, атап айтқанда Орындаушының педагогикалық/жаттықтырушы және өзге де персоналына, басқа да білім алушылар мен үшінші тұлғаларға құрмет көрсету;
11. Гигиеналық нормаларды сақтау және Баланың оларды сақтауын қамтамасыз ету және өзінің аяқ киімінің үстіне аяққап кию не ауысымдық аяқ киімі болу;
12. Сабақ кестесін қатаң сақтау;
13. Орындаушыға Баланың сабаққа қатыспайтыны туралы хабарлау;
14. Орындаушының мүлкіне Бала қасақана немесе абайсызда келтірген залалды өтеу;
15. Осымен Клиент осы Шартқа қол қойылғаннан және Шарт шеңберінде Қызметтерге ақы төленгеннен кейін Клиентке және/немесе Балаға ақысы төленген қызметтер ғана қолжетімді болатынын біледі.

Клиенттің құқықтары:

1. Орындаушыдан Шарттың талаптарына сәйкес қызметтер көрсетуді талап ету;
2. Қызмет көрсету барысы туралы қажетті және дұрыс ақпарат алу;
3. Орындаушыға осы Шарт бойынша көрсетілетін қызметтердің түрі мен көрсетілуін жақсарту бойынша өз ұсыныстары мен ұсынымдарын жіберу;
4. Орталықтың қосымша қызметтерін жеке ақыға пайдалану;

Ақы төлеу құны мен тәртібі

1. Қызметтердің құны таңдалған бағыт бойынша бекітілген бағаға сәйкес айқындалады. Бала кез келген негіздер бойынша Орталыққа келмеген кезде Шарттың осы тармағына сәйкес енгізілген сома Орындаушы тарапынан қайта есептеуге және/немесе қайтаруға жатпайды.
2. Клиент ақшалай қаражатты Орындаушының банктік шотына аудару жолымен, қолма-қол ақшамен Орындаушының кассасына немесе Терминал арқылы таңдалған бағыттың 100% төлемін жүзеге асырады.
3. Клиент төлегеннен кейін Балаға Орталықта ақысы төленген бағытқа бару мүмкіндігі беріледі.
4. Клиент Қызметтерден бас тартқан жағдайда, таңдалған бағыт бойынша белсендірілген қызметтер үшін ақша қаражаты қайтаруға жатпайды, қайта есептеу жүргізілмейді.
5. Клиент Орындаушыға төлеген ақшаны қайтаруды Орындаушының кiнәсiнен қызмет көрсету мүмкiн болмаған жағдайларда ғана Орындаушы жүзеге асырады.
6. Шарт бойынша ақы төлеу ұлттық валюта - теңгемен жүргізіледі.

Бағытты өзгерту тәртібі

1. Абонемент бойынша бірдей бағамен таңдалған бағытты ауыстыру басқа бағытта бос орындар болған жағдайда ғана мүмкін болады.
2. Шарт талаптарына сәйкес таңдалған бағытты ауыстырған кезде Клиентке себептерін және жаңа бағыттың атауын көрсете отырып, жазбаша өтініш жазуы қажет.
3. Абонемент бағасының айырмашылығы болған жағдайда, оның қолданылу кезеңінде таңдалған бағытты ауыстыруға жол берілмейді. Клиент/Бала алдымен бастапқыда таңдалған бағыт бойынша Қызметтерді алу мерзімінің соңына дейін аяқтауға міндеттенеді.

Жауапкершілік

1. Осы Шарт бойынша өз міндеттемелерін орындамаған немесе тиісінше орындамаған жағдайда Тараптар Қазақстан Республикасының қолданыстағы заңнамасына сәйкес жауапты болады.
2. Орындаушы Орталықтың ережелерін, жаттығулар (шығармашылық сабақтар) бағдарламасын, жаттықтырушының (оқытушының) ұсынымдарын (нұсқауларын) және осы Шарттың өзге де ережелерін бұзған жағдайда Клиенттің және/немесе Баланың денсаулығының жай-күйі мен ықтимал жарақат алуы үшін жауапты болмайды.
3. Клиент Орындаушының сабақ өткізілетін жердегі жабдығының және/немесе өзге де мүлкінің сындырғаны, жоғалғаны немесе бүлінгені үшін жауапты болады. Өтелетін нақты залалдың мөлшері жабдықты/мүлікті қалпына келтіру құнымен, ал егер жабдық/мүлік қалпына келтіруге жатпаса, зақымданғанның орнына сатып алуға жататын жабдықтың/мүліктің нарықтық құнымен айқындалады. Орындаушының жіберіп алған пайданың сомасын өтеу туралы талап қою құқығы сақталады.
4. Орындаушы Клиенттің және/немесе Баланың жоғалған немесе қараусыз қалған (оның ішінде: Орталықтың қоғамдық орындарында) мүлкі үшін жауапты болмайды.
5. Клиент және/немесе Бала өзіне тиесілі заттардың сақталуына жеке жауапты болады, заттардың оның жеке қарауынсыз қалмауын және жоғалмауын қадағалайды.
6. Қаланың коммуналдық шаруашылық қызметтерінің маусымдық, профилактикалық және апаттық жұмыстарды жүргізуінен туындаған техникалық қолайсыздықтар үшін Орындаушы жауапты болмайды.
7. Осы Шартты қабылдау кезінде Клиент Баланың Шарт бойынша дене шынықтырумен, спортпен немесе Қызметтердің басқа түрлерімен айналысу үшін тұрақты немесе уақытша медициналық қарсы көрсетілімдері жоқ екенін растайды.
8. Осы Шартты жасасу кезінде Баланың денсаулығына теріс әсер етуі мүмкін елеулі медициналық қарсы айғақтар немесе созылмалы аурулар анықталған жағдайда, жауапкершілікті Клиенттің өзі көтереді.

Форс-мажор

1. Тараптар осы Шарт бойынша өз міндеттемелерін ішінара немесе толық орындамағаны үшін, егер бұл орындамау осы Шартты жасасқаннан кейін төтенше сипаттағы мынадай мән-жайлардың нәтижесінде туындаған еңсерілмейтін күш мән-жайларының салдары болып табылса, жауапкершіліктен босатылады: су тасқыны, өрт, жер сілкінісі, басқа да табиғат құбылыстары, сондай-ақ соғыс, әскери іс-қимылдар, қоршау, биліктің тыйым салу іс-қимылдары және мемлекеттік органдар мен санитариялық қызметтердің актілері, коммуникациялар мен энергиямен жабдықтаудың бұзылуы, жарылыстар және Тараптар ақылға қонымды шаралармен болжай алмаған немесе алдын ала алмаған осы Шарттың қолданылуы кезінде туындаған форс-мажорлық сипаттағы өзге де құбылыстар.
2. Егер еңсерілмейтін күш мән-жайлары екі айдан астам уақыт бойы тоқтамайтын болса, Тараптардың кез келгені Шарт бойынша міндеттемелерді одан әрі орындаудан бас тартуға құқылы, бұл ретте Тараптардың ешқайсысы екінші Тараптан келтірілген залалдарды өтеуді талап етуге құқылы емес.

Дербес деректер

Осымен Клиент Орындаушыға Шарт бойынша қызметтер көрсету шеңберінде өзінің және Баланың дербес деректерін беруге келісім береді. Клиент дербес деректер - бұл дербес деректер субъектісіне осындай ақпарат негізінде айқындалған немесе айқындалатын кез келген ақпарат, оның ішінде оның тегі, аты, әкесінің аты, жылы, айы, туған күні мен жері, мекенжайы, төлқұжат деректері, оқу орны және басқа да дербес ақпарат.
Клиент Клиентке және Балаға қатысты дербес деректерді жинауға, сақтауға және өңдеуге өзінің толық келісімін растайды.
Орындаушы дербес деректерді осы Шарттың шеңберінде міндеттемелерді орындау үшін ғана пайдалануға міндеттенеді.

Дауларды шешу

1. Осы Шарт Қазақстан Республикасының заңнамасына сәйкес реттеледі және түсіндіріледі.
2. Осы Шарт бойынша түсіндіруге және/немесе орындауға байланысты Тараптар арасында даулар мен келіспеушіліктер туындаған жағдайда Тараптар келіссөздер жүргізу жолымен даулы мәселелерді реттеу үшін барлық шараларды қабылдайды.
3. Дауды сотқа дейін реттеу мерзімі 30 (отыз) күн болып белгіленеді.
4. Келiсiмге қол жеткiзiлмеген жағдайда барлық даулар Қазақстан Республикасының сот органдарының қарауына берiлуге тиiс. Тараптар Орталықтың орналасқан жері бойынша шарттық соттылықты белгіледі.

Қорытынды ережелер

1. Осы шарт оны Клиент Акцептеген күннен бастап күшіне енеді және Тараптар ол бойынша міндеттемелерді толық орындағанға дейін қолданылады.
2. Тараптардың ешқайсысының осы Шарт бойынша өз құқықтары мен міндеттерін екінші Тараптың келісімінсіз үшінші тұлғаларға беруге құқығы жоқ.
3. ҚР АК 145-бабына және ҚР АК 15-бабының 8-тармағына сәйкес Клиент:
4. - Орындаушының және/немесе Орындаушының атынан және/немесе мүддесінде әрекет ететін үшінші тұлғалардың Қызмет көрсету процесін Клиенттің/Баланың бейнесін (фотосурет және/немесе бейнеролик) бейне және фотосуретке түсіруін жүзеге асыруына;
5. - Клиент (Бала) бейнеленген Орындаушының қызметі нәтижесінде алынған Клиенттің (Баланың) бейнесін және/немесе басқа да аудио, бейне, фотоматериалдарды жариялауға, жаңғыртуға және таратуға өз келісімін береді.
6. Осы шарт Тараптардың келісімі бойынша не осы шартта немесе Қазақстан Республикасының заңнамасында тікелей көзделген жағдайларда бұзылуы мүмкін.
7. Бір Тарап екінші Тарапқа жіберетін барлық хабарлама жазбаша нысанда Whatsapp/Teleqram байланыс құралдары, электрондық пошта, СМС хабарламасы арқылы немесе телефон байланысы арқылы жіберіледі.
8. Клиенттердің/Балалардың және Орындаушы қызметкерлерінің қауіпсіздігін қамтамасыз ету мақсатында Орталықта бейнебақылау жүйелері орнатылған. Бейне жазба қоғамдық орындарда жүргізіледі. Жазбаларды пайдалану дербес деректерді қорғау туралы заңнамаға сәйкес жүзеге асырылады.