Шабыттандыратын шеберлік сабағы: Қазақстан пара-волейболшыларымен кездесу

Біздің орталықта ерекше кездесу өтті – Қазақстан ұлттық пара-волейбол құрамасы балаларға шеберлік сабағын өткізді.

Бұл оқиға тек спорттық тәжірибе алмасу ғана емес, нағыз жігер мен рух күші сабағына айналды. Спортшылар жас қатысушылармен бірге жаттығулар орындап, өз тәжірибелерімен бөлісіп, кез келген қиындықты сенім мен алға ұмтылыс арқылы жеңуге болатынын көрсетті.

Құрама ойыншылары балаларға құнды кеңестер қалдырды:
«Мақсатқа сеніп, өзіңмен жұмыс жасасаң, алынбайтын шың жоқ»,
«Ең үлкен жеңіс — ол өзіңді жеңу».
Шеберлік сабаққа қатысқан әр бала жаңа күш-қуатпен, шабытпен және өзіне сеніммен қайтты.

Осындай кездесулер біз үшін – үлкен мәртебе әрі балаларға ерлік, табандылық пен спортқа деген сүйіспеншіліктің үлгісін сыйлау мүмкіндігі.