17–21 тамыз аралығында Sana Sport-та 14–17 жас аралығындағы жас баскетболшыларға арналған Жазғы баскетбол лигасы өтуде.
Лигаға Қазақстанның әртүрлі қалаларынан, сондай-ақ АҚШ-тан келген жас спортшылар қатысуда.
Қатысушылар қарқынды жаттығуларға қатысып, жеке шеберліктерін, қорғаныстағы дағдыларын жетілдіреді, физикалық көрсеткіштерін сынақтан өткізеді, лекцияларға қатысады және топтық кезең мен плей-офф ойындарында бақ сынайды.
Лиганың басты құндылығы — жаңа ойын тәжірибесін жинақтау, шеберлікті дамыту, өз мүмкіндігіңді көрсету және әртүрлі қалалар мен елдерден келген мықты спортшылармен тәжірибе алмасу.